• Rendementos obtidos pola cesión a terceiros de capitais propios contratados antes do 20 de xaneiro de 2006.
Terán dereito a unha compensación fiscal os rendementos obtidos pola cesión a terceiros de capitais propios a que se refire o artigo 25.2 da lei, procedentes de instrumentos financeiros contratados con anterioridade ao 20 de xaneiro de 2006 e aos que lles resultase de aplicación a porcentaxe de redución do 40 por 100 prevista no artigo 24.2 a) do Real decreto lexislativo 3/2004, do 5 de marzo, por ter un período de xeración superior a dous anos.
• Rendementos de contratos de seguros de vida ou invalidez contratados antes do 20 de xaneiro de 2006.
Terán dereito a unha compensación fiscal os rendementos derivados das percepcións en forma de capital diferido procedentes de seguros de vida ou invalidez contratados antes do 20 de xaneiro de 2006 e aos que resultasen de aplicación as porcentaxes de redución do 40 ou 75 por 100 previstas nos artigos 24.2 b) e 94 do Real decreto lexislativo 3/2004, do 5 de marzo.
Contía da dedución
A contía da dedución será a diferenza positiva entre a cantidade resultante de aplicar os tipos de gravame do aforro ao saldo positivo resultante de integrar e compensar entre si o importe total dos rendementos netos previstos anteriormente e o importe teórico da cota íntegra que resultase de ter integrado os ditos rendementos na base liquidable xeral con aplicación das porcentaxes de redución citadas.
Para a determinación do saldo a que se refire o parágrafo anterior, soamente se aplicarán as reducións do artigo 24.2 b) e 94 do texto refundido da Lei do imposto á parte do rendemento neto que corresponda a primas satisfeitas ata o 19 de xaneiro de 2006, e as posteriores cando se trate de primas ordinarias previstas na póliza orixinal do contrato.
FORMA DE CUBRIR
No recadro 587 da epígrafe “N. Cálculo do imposto e resultado da declaración" (páxina 16 da declaración) abrirase unha ventá de captura de datos na que, en función do tipo de rendemento, deberá facilitar os seguintes datos:
- Rendementos obtidos pola cesión a terceiros de capitais propios procedentes de instrumentos financeiros contratados antes do 20 de xaneiro de 2006 con período de xeración superior a dous anos:
Deberá indicar de forma separada nos recadros correspondentes da ventá o rendemento neto total obtido e a redución que fose aplicable coa normativa vixente o 31 de decembro de 2006.
- Rendementos de seguros de vida ou invalidez contratados antes do 20 de xaneiro de 2006:
Deberá indicar de forma separada o rendemento neto total derivado dos seguros (aplicada, se é o caso, a redución da DT cuarta da Lei 35/2006) e o rendemento neto reducido tras a aplicación das reducións que fosen aplicables coa normativa vixente o 31 de decembro de 2006.