O declarante ou, de ser o caso, o presentador deberá poñerse en comunicación coa entidade colaboradora por vía electrónica (directa ou a través da sede electrónica da Axencia Tributaria) ou acudindo ás súas oficinas para realizar o pagamento da cota resultante e facilitar os seguintes datos:
- NIF do contribuínte (9 caracteres)
- Exercicio fiscal (4 caracteres)
- Período = 0A (cero A)
- Código do modelo da autoliquidación = 100
- Tipo de autoliquidación = “I” Ingreso
- Importe para ingresar, expresado en euros con dous decimais (deberá ser maior ca cero).
- Opción 1: non fracciona o pagamento.
- Opción 2: si fracciona o pagamento e non domicilia o segundo prazo.
- Opción 3: si fracciona o pagamento e si domicilia o segundo prazo.
A entidade colaboradora, unha vez contabilizado o importe, asignaralle ao contribuínte un número de referencia completo (NRC) que xerará informaticamente mediante un sistema criptográfico que relacione de forma unívoca o NRC co importe ingresado.
Unha vez realizado o ingreso, a entidade colaboradora proporcionaralle ao obrigado tributario ou ao presentador o recibo-xustificante de pagamento a que se refire o apartado 3 do artigo 3 da Orde EHA/2027/2007, do 28 de xuño. No dito recibo-xustificante de pagamento, en todo caso, deberá figurar o número de referencia completo (NRC) asignado pola entidade colaboradora ao ingreso realizado.
O declarante ou, de ser o caso, o presentador, unha vez realizada a operación anterior e obtido o NRC correspondente, conectará coa sede electrónica da Axencia Tributaria no enderezo https://www.agenciatributaria.gob.es e procederá como segue:
Seleccionará o concepto fiscal (Renda 2014. Presentación de declaración).
1. Seleccionará o ficheiro que contén a declaración para transmitir.
2. Introducirá o NRC subministrado pola entidade colaboradora.
3. A continuación, procederá a transmitir a autoliquidación utilizando calquera das formas de presentación electrónica indicadas no apartado “Formas de presentación electrónica”.
4. Se o presentador é unha persoa ou entidade autorizada para presentar declaracións en representación de terceiras persoas, requirirase utilizar certificado electrónico recoñecido.
5. Se a autoliquidación é aceptada, a Axencia Estatal de Administración Tributaria devolveralle en pantalla os datos da autoliquidación con resultado para ingresar, validados cun código seguro de verificación de 16 caracteres, ademais da data e hora da presentación.
6. No suposto de que a presentación fose rexeitada, mostrarase en pantalla a descrición dos erros detectados. Neste caso, deberá proceder a emendar estes co programa de axuda co que se xerou o ficheiro ou repetindo a presentación se o erro fose ocasionado por outro motivo.
7. O presentador deberá imprimir e conservar a declaración aceptada, así como o documento de ingreso ou devolución e, se é o caso, o documento de ingreso do segundo prazo, modelo 102, debidamente validados co correspondente código seguro de verificación.