AMORTIZACIÓNS FISCALMENTE DEDUCIBLES. ESTIMACIÓN DIRECTA SIMPLIFICADA

 

AMORTIZACIÓN DO INMOBILIZADO MATERIAL, fiscalmente deducible

 

As amortizacións do inmobilizado material practicaranse de forma lineal en función da seguinte táboa de amortizacións simplificada, aprobada pola Orde do 27 de marzo de 1998 (BOE do 28 de marzo):

 

 

Grupo	Elementos patrimoniais	Coeficiente lineal máximo	Período máximo
		Porcentaxe	Anos
1	Edificios e outras construcións	3	68
2	Instalacións, mobiliario, utensilios e resto do inmobilizado material	10	20
3	Maquinaria	12	18
4	Elementos de transporte	16	14
5	Equipos para tratamento da información e sistemas e programas informáticos	26	10
6	Útiles e ferramentas	30	8
7	Gando vacún, porcino, ovino e caprino	16	14
8	Gando equino e árbores froiteiras non cítricas	8	25
9	Árbores froiteiras cítricas e viñedos	4	50
10	Oliveiral	2	100

 

Os elementos do inmobilizado material empezarán a amortizarse desde a súa posta en condicións de funcionamento.

 

Os elementos patrimoniais deberán amortizarse, excluído o seu valor residual, dentro do seu período de vida útil, entendéndose por tal o período máximo de amortización previsto nas táboas.

 

 

ADQUISICIÓN DE ACTIVOS ENTRE O 1 DE XANEIRO DE 2003 E O 31 DE DECEMBRO DE 2004

 

Para as adquisicións de activos novos realizadas entre o 1 de xaneiro de 2003 e o 31 de decembro de 2004, os coeficientes de amortización lineais máximos establecidos nas táboas oficiais de coeficientes de amortización entenderanse substituídos, en todas as mencións a eles realizadas, polo resultado de multiplicar aqueles por 1,1. O novo coeficiente será aplicable durante a vida útil dos activos novos adquiridos no período antes mencionado.