Salvo nas actividades forestais, serán deducibles as cantidades que, en concepto de amortización do inmobilizado, material ou intanxible, correspondan á depreciación efectiva que sufran os distintos elementos por funcionamento, uso, aproveitamento ou obsolescencia.
Considerarase que a depreciación é efectiva cando sexa o resultado de aplicar ao prezo de adquisición ou custo de produción do elemento patrimonial do inmobilizado algún dos seguintes coeficientes:
1) O coeficiente de amortización lineal máximo.
2) O coeficiente de amortización lineal mínimo que deriva do período máximo de amortización.
3) Calquera outro coeficiente de amortización lineal comprendido entre os dous anteriormente mencionados.
Non obstante, os elementos de inmobilizado material novos, postos á disposición do suxeito pasivo no período impositivo, cuxo valor unitario non exceda de 601,01 euros, poderán amortizarse libremente, ata o límite de 3.005,06 euros referido ao período impositivo.
A táboa de amortización é a seguinte:
|
Grupo |
Descrición |
Coeficiente lineal máximo |
Período máximo |
|
1 |
Edificios e outras construcións |
5 % |
40 anos |
|
2 |
Útiles, ferramentas, equipos para o tratamento da información e sistemas e programas informáticos |
40 % |
5 anos |
|
3 |
Elementos de transporte e resto de inmobilizado material (1) |
25 % |
8 anos |
|
4 |
Inmobilizado inmaterial |
15 % |
10 anos |
|
5 |
Vacún, porcino, ovino e caprino |
22 % |
8 anos |
|
6 |
Equino e árbores froiteiras non cítricas |
10 % |
17 anos |
|
7 |
Árbores froiteiras cítricas e viñedos |
5 % |
45 anos |
|
8 |
Oliveiral |
3 % |
80 anos |
Será amortizable o prezo de adquisición ou custo de produción, excluído, se é o caso, o valor residual.
Nas edificacións non será amortizable a parte do prezo de adquisición correspondente ao valor do solo, o cal, cando non se coñeza, se calculará rateando o prezo de adquisición entre os valores catastrais do solo e da construción no ano de adquisición.
A amortización practicarase elemento por elemento, aínda que, cando se trate de elementos patrimoniais integrados no mesmo grupo da táboa de amortización, a amortización poderá practicarse sobre o conxunto deles, sempre que en todo momento se poida coñecer a parte da amortización correspondente a cada elemento patrimonial.
Os elementos patrimoniais de inmobilizado material empezarán a amortizarse desde a súa posta en condicións de funcionamento e os de inmobilizado inmaterial desde o momento en que estean en condicións de producir ingresos.
A vida útil non poderá exceder do período máximo de amortización establecido na táboa de amortización.
O cálculo das amortizacións dos elementos patrimoniais do inmobilizado material que se adquiran usados efectuarase sobre o prezo de adquisición, ata o límite resultante de multiplicar por dous a cantidade derivada de aplicar o coeficiente de amortización lineal máximo.
No suposto de cesión de uso de bens con opción de compra ou renovación, cando polas condicións económicas da operación non existan dúbidas razoables de que se exercitará unha ou outra opción, será deducible para o cesionario, en concepto de amortización, un importe equivalente ás cotas de amortización que corresponderían aos citados bens, aplicando o coeficiente lineal sobre o prezo de adquisición ou custo de produción do ben.
En todo caso, para poder minorar a amortización é requisito indispensable dispoñer dos xustificantes documentais da adquisición dos elementos amortizables e que estes figuren debidamente rexistrados no libro de rexistro de bens de investimento.
Atención: para o cálculo do rendemento neto das actividades forestais non se deducirán amortizacións.
ADQUISICIÓN DE ACTIVOS ENTRE O 1 DE XANEIRO DE 2003 E O 31 DE DECEMBRO DE 2004
Para as adquisicións de activos novos realizadas entre o 1 de xaneiro de 2003 e o 31 de decembro de 2004, os coeficientes de amortización lineais máximos establecidos nas táboas oficiais de coeficientes de amortización entenderanse substituídos, en todas as mencións a eles realizadas, polo resultado de multiplicar aqueles por 1,1. O novo coeficiente será aplicable durante a vida útil dos activos novos adquiridos no período antes mencionado.
FORMA DE CUBRIR
Co obxecto de aplicar correctamente os índices correctores sobre o rendemento neto previo que corresponda a cada tipo de explotación, para as claves de actividade "1. Agrícola e gandeira susceptible de estar incluída no réxime especial de agricultura, gandería e pesca do imposto sobre o valor engadido ", "2. Gandería independente" e "5. Aproveitamentos que correspondan ao cedente en actividades agrícolas en réxime de parcería", deberán diferenciarse, a través dunha ventá de captura de datos, as cantidades deducibles no exercicio en concepto de amortización, segundo a parte que razoablemente se atribúa aos distintos cultivos e explotacións (ou servizos que se presten), de acordo co seguinte detalle:
a) Elementos utilizados en actividades agrícolas: indicarase o importe da amortización do inmobilizado vinculado aos cultivos agrícolas desenvolvidos polo contribuínte e distinguirase, pola súa vez, a parte que corresponda a cultivos en terras propias e en terras arrendadas.
b) Elementos utilizados en actividades gandeiras: indicarase o importe da amortización do inmobilizado vinculado ás explotacións gandeiras desenvolvidas polo contribuínte e distinguirase, pola súa vez, a parte que corresponda ás explotacións intensivas de gando porcino de carne e á avicultura do resto das explotacións gandeiras que, se é o caso, se realicen.
c) Elementos utilizados en traballos e servizos accesorios: indicarase o importe da amortización do inmobilizado vinculado aos traballos e servizos accesorios prestados polo agricultor ou gandeiro.