ACTIVOS FIXOS USADOS (Real decreto 241/1992)

 

Para os efectos previstos no artigo 94.3 da Lei 20/1991, do 7 de xuño, darán dereito á dedución por investimentos os activos fixos usados que pertenzan a algunha das seguintes categorías:

 

a)   Maquinaria, instalacións e ferramenta.

 

b)   Equipos para proceso de información.

 

c)   Elementos de transporte interior e exterior, excluídos os vehículos susceptibles de uso propio por persoas vinculadas directa ou indirectamente á empresa.

 

 

Mellora tecnolóxica

 

Para ter dereito a esta dedución, a adquisición do elemento de activo fixo usado ha de supoñer unha evidente mellora tecnolóxica para a empresa, debéndose acreditar esta circunstancia, en caso de comprobación ou investigación da situación tributaria do contribuínte, mediante a xustificación de que o elemento obxecto da dedución vai producir ou produciu algún dos seguintes efectos:

 

a)   Diminución do custo de produción unitario do ben ou servizo.

 

b)   Mellora da calidade do ben ou servizo.

 

 

Certificación da persoa transmisora

 

O contribuínte deberá conservar á disposición da Administración tributaria a certificación expedida polo transmisor na que se faga constar que o elemento obxecto da transmisión non gozou anteriormente da dedución por investimentos nin do réxime do fondo de previsión para investimentos.