Innovación

 Teoría da difusión de innovacións. ( Everett Rogers )

Innovación:  Everett Rogers define innovación como "unha idea, práctica ou obxecto que é percibido por un individuo como novo". Como consecuencia, a apreciación de innovación é totalmente subxectiva posto que depende dos coñecementos da persoa que a recibe.

Difusión: Proceso de comunicación da innovación.

Fases na adopción ( ou non ) dunha innovación:

  1. Coñecemento. O individuo recibe a innovación e comprende o funcionamento. Importante subliñar que o coñecemento da innovación non se refire exclusivamente a ter unha referencia, senon tamén a recibir información sobre o funcionamento. 
  2. Interese. A persoa reflexiona sobre a innovación, e intenta formar unha opinión ( positiva ou negativa )
  3. Avaliación.  Nesta etapa o individuo decide se adopta a innovación ou a rexeita. 
  4. Implementación. Só para as persoas que adoptan a innovación.  Fase de aplicación nas súas tarefas cotiás.
  5. Adopción. Só para as persoas que adoptan a innovación. Fase de reafirmación e adopción definitiva.

 

 Atributos das innovacións que inflúen na adopción:

  • Vantaxes relativas. A resposta a esta pregunta: A innovación é mellor que a idea, práctica ou obxecto que remplaza?
  • Posibilidade de observación. Ver, medir, comprobar os resultados da innovación.
  • Compatibilidade. Referida a valores, hábitos,experiencias, necesidades, etc , das persoas que a poden adoptar.
  • Complexidade. O que implica a dificultade de aprendizaxe,  a facilidade de uso, o mantemento, etc
  • Posibilidade de proba. É posible experimentar a innovación antes de adoptala? 

 

Clasificación dos individuos segundo a velocidade de adopción da innovación:

  • Innovadores, son os primeiros en utilizar a innovación. Adoptan a innovación por motivacións persoais, especialmente a súa necesidade de experimentar.
  • Primeiros adoptantes, son máis numerosos que as persoas do punto anterior , e de maior valor para a extensión da innovación ( contaxio ) porque teñen capacidade de influenza. Adoptan a innovación porque recoñecen os beneficios.
  • Primeira maioría, aceptan a innovación despois de sopesar e valorar as implicacións.
  • Maioría tardía, xunto co anterior  son o grupo máis numeroso. Son moi cautelosos e necesitan a presión doutras persoas para xustificar a adopción.
  • Rezagados, os últimos en adoptar a innovación, ou en rexeitala.

Esta clasificación estaría referíada máis á fase 5 (Implementación ) que a adopción definitiva, xa que despois dun primer momento de uso pode decaer o interese e abandoar a innovación.

E agora aplicamos a teoría anterior á introdución das TIC......

Necesitamos:

  1. Detectar ás innovacións.
  2. Difundir as boas prácticas.
  3. Atopar "Primeiros adoptantes" ( na terminoloxía de Rogers ) para que extendan as innovacións nos centros educativos. Resulta chamativo que as persoas máis importantes para a extensión dunha innovación non sexan as innovadoras.

Pero tamén precisamos que as innovacións sexan medibles, que aporten vantaxes sobre o que xa existe e que non rompan de xeito brusco cos hábitos actuais.

Como? , deixamos este punto aberto para o debate nos foros.