Configuración física e lóxica

Para comprender de un xeito relativamente sinxelo os requisitos básicos para que a comunicación poida producirse podemos atender a:

• Configuración física: garda relación cos elementos físicos, e son as que garanten que o canal é estruturalmente correcto. Estamos a falar das tarxetas de rede, a interconexión entre dispositivos a través dos seus cables de rede, a electrónica de rede que permite a multiplicación de portos, etc. En caso de producirse unha perda de conetividade resulta convinte revisar esta infraestrutura, por exemplo, que o cable de rede está conectado.
  Metaforicamente podemos interpretar que si unha estrada está cortada equivalería a que a configuración física é incorrecta. Outro exemplo pode ser unha estrada danada (latiguiño danado) que non permite o paso dos paquetes de datos.
• Configuración lóxica: é a que garda relación coa configuración que debe ter o dispositivo hardware para que poida producirse a conexión. A nivel de configuración os elementos máis importantes que debemos coñecer son os denominados parámetros TCP/IP de rede. Así pois pasamos a explicalos a continuación.

imaxe recollida de http://openclipart.org (configuration)