5.- Os datos

Calc é moi útil para almacenar listas de datos, cos que despois poidamos facer cálculos, extraer información concreta. Veremos as opcións básicas de ordenar e filtrar datos, partindo dunha folla de cálculo que podemos obter do XADE, con datos básicos do alumnado do centro.

 

            No XADE, no menú Informes – Informes predefinidos do alumnado, podemos obter o informe AL956: Datos xerais EXCEL. Este informe descárgase como folla de cálculo de Microsoft Excel 2007, pero Calc permítenos abrilo sen problema. Esta folla contén os datos xerais de todo o alumnado matriculado nun centro.

 

Área de datos:

 

            Un listado debe ter, na primeira fila, as cabeceiras ou títulos dos datos:

           

            Cada fila é un rexistro, un conxunto de datos distintos que corresponden a unha soa entidade ou individuo; no noso exemplo, cada rexistro é un alumno ou alumna do centro.

            As columnas corresponden aos campos, as partes dun rexistro. A folla de cálculo de XADE contempla ata 21 campos diferentes para cada rexistro.