Construción do arquivo de datos en Calc

Para realizar a combinación de correspondencia necesitamos ter ademais do arquivo de texto un arquivo de datos, neste caso unha folla de Calc, que conteña datos de todos os campos que se necesitan cubrir: para este exemplo a folla de cálculo ten que ter os campos:

• Nome alumno ou alumna.
• Primeiro apelido do alumno ou alumna.
• Segundo apelido do alumno ou alumna.
• Curso no que está matriculado.
• Grupo no que está matriculado.
• Nome e apelidos da nai/pai ou titor legal do alumno ou alumna.
• Enderezo.
• Localidade.
• Código postal.
• Provincia.
• Custo da excursión que vai realizar.

Construímos polo tanto un arquivo cos datos necesarios nunha folla de cálculo Calc, programa co que estamos a traballar neste curso.

Abrimos o programa Calc e construímos a seguinte folla, e a gardamos co nome de Enderezos. A primeira fila da folla de cálculo aparecerán os nomes dos campos que imos utilizar no escrito personalizado.

Nota:  Os arquivos Enderezos e Carta_pais os podes baixar, xa construídos, no apartado de materiais do módulo 5 e realizar os pasos que se describen ao longo do módulo.