Un paseo polo menú do programa Calc

Imos facer un recorrido rápido por cada unha das pestanas do menú facendo clic co rato en cada unha e comentando brevemente as posibilidades que presenta a aplicación informática Calc para a xestión, presentación, busca, análise, gravación, etc.. dos noso datos como para a xestión da propia visión e transformación da barra de ferramentas, funcións, xanelas, etc…

En Ficheiro podemos:

Abrir un novo ficheiro de OpenOffice, en Novo, un arquivo de: texto, folla de cálculo, de datos, etc.
Abrir un documento xa existente.
Un documento recente.
Creación de documentos en base a modelos, co Asistente.
Pechar un documento aberto.
Gardar o documento, ou gardalo con outro nome, escollendo o formato co que desexamos gardalo, con outra versión anterior de OpenOffice, incluso en formato de Excel…, en Gardar como…
Podemos Exportar o documento, esta é unha utilidade moi interesante e práctica, xa que, entre as posibilidades que ofrece está a de poder exportar o documento en formato PDF, con Exportar como PDF…
Se o documento é para enviar por correo electrónico, podemos envialo directamente con Enviar. Ao envialo podemos escoller o formato de envío: Como correo electrónico, como folla de cálculo de OpenOffice, como documento en formato Excel, ou en formato PDF.
Facer unha Previsualización da páxina, para ver como quedaría ao imprimila. Esta función imos vela con máis detemento noutro apartado máis adiante.
Imprimir… o documento.
Configurar a impresora… antes de realizar a impresión do documento.
Saír da aplicación.

Como podedes observar, se na opción a elixir aparece o símbolo ► á dereita do texto, indica que a continuación aparecerá un menú despregable onde hai máis opcións. Se a continuación do texto aparecen uns puntos suspensivos …indica que a continuación aparecerá unha xanela onde podemos variar a configuración segundo as nosas necesidades.

As veces á dereita da acción a realizar aparece Ctrl + “unha letra” ou Ctrl + Maiúsculas + “unha letra”. Isto indica que dita acción tamén se pode realizar desde o teclado con esa combinación de teclas.

No menú e en Editar, pódese realizar as seguintes accións:

Desfacer ou Refacer algunha ou algunhas das acción realizadas anteriormente sobre o documento.
Cortar, Copiar, Pegar, calquera parte do documento previamente seleccionada ou realizar un Pegado Especial…, vinculando celas, mantendo fórmulas, formatos, etc. Como imos ver máis adiante.
Seleccionar todo o documento.
Controlar os Cambios no documento, protexer celas,…
Comparar documentos…
Atopar e substituír, esta ferramenta é moi útil para buscar algún dato, fórmula, parte dunha fórmula, etc.. e incluso substituíla en todos os lugares da folla de cálculo ou en todo o libro (conxunto de todas as follas de cálculo do que consta o arquivo) por outro valor.
Eliminar o contido… texto, datos, fórmulas, formatos … Eliminar celas, facer diversas operacións coa folla de cálculo en Folla.
Eliminar a quebra manual.
Se temos incrustada unha imaxe no documento podemos facer modificacións simples sobre esa imaxe en Mapa de imaxe, unha vez seleccionada a imaxe.

Na opción de Ver, podemos modificar:

O formato de presentación do documento na área de traballo. A forma de ver o documento: de forma Normal ou Previsualización de quebra de páxina, na que se pode ver como se reparte o contido da folla de cálculo nas distintas páxinas, segundo a configuración de páxina e do formato de impresión. Se a folla se presenta neste formato podemos axustar os contidos ás páxinas do documento, tan só seleccionando co rato as liñas de división das páxinas e arrastrando a esquerda, a dereita, arriba ou abaixo, para axustar o contido a páxina.
O contido e a aparencia das Barras de ferramentas.
Que apareza ou non a Barra de fórmulas.
Que se mostre ou non a Barra de estado.

Que se mostren ou non as Cabeceiras de columnas e filas.

En Pantalla completa, que se mostre o documento en toda a pantalla do ordenador, suprimíndose, o menú, as barras de ferramentas, barras de estado, etc…
En Zoom…, podemos ampliar o tamaño da pantalla para unha mellor visualización do contido. Isto non vai a influír sobre o tamaño das imaxes dodocumento nin tampouco sobre o tamaño ou tipo de letra escollido na realización do documento. Tan só inflúe para a presentación na pantalla do ordenador.

Na opción de inserir pódese:

Inserir Filas, Columnas, unha Folla…
Inserir unha Folla desde ficheiro… de formato compatible con calc: Excel, csv, folla de cálculo calc. Moi útil cando queremos importar os datos doutro documento xa existente.
Ligar a datos externos… ligando os datos da nosa folla de cálculo a outro arquivo de datos externos: a un documento que se atopa nun determinado enderezo de internet, ou no noso propio equipo. Calquera modificación no arquivo ao que ligamos o documento, se transferiran automaticamente ao noso documento ao facer a actualización do mesmo.
Inserir Caracteres especiais: símbolos, letras gregas, caracteres especiais, etc.
Poñer Marcas de formato.
Engadir unha Hiperligazón, a outra folla dentro dun mesmo libro, a un arquivo, a un enderezo dun lugar na web…
Incluír unha Función nunha cela. Este recurso o traballaremos en detalle máis adiante. Ou unha Lista de funcións .

Inserir Nomes ou etiquetas nas celas ou na folla.
Inserir Comentario. Moi interesante para comentar celas, o comentario aparece cando nos situamos enriba da cela comentada.
Inserir Imaxes, Vídeo e son, un Obxecto, ou unha Gráfica… construídas a partir dos datos da folla de cálculo. Tema que trataremos no módulo 4.
Introducir un Marco flotante, esta opción da a posibilidade de incluír unha folla de cálculo dentro doutra.

Na opción de formato podemos:

Aplicar un Formatado predeterminado.
Dar formato a unha Cela ou un grupo de celas: tipo de datos, de letra, bordos, cores, fondo, …
Dar formato a unha Fila, unha Columna ou unha Folla.
Combinar celas. Agrupando as celas en fila, en columna,…
Dar formato a unha Páxina.
Modificar os Intervalos de impresión. Seleccionando a área que queremos que se imprima, o borrado das marxees marcadas anteriormente…
Modificar maiúsculas/minúsculas. Poñer todo en maiúsculas, todo en minúsculas, que comece o texto en maiúsculas, et
Ver e traballar con Estilos e formatado
Ancorar, unha imaxe a unha cela ou a unha folla.
Aliñamento do texto nunha cela ou grupo de celas.
Dispor diante, atrás, de fondo, … ou Voltear unha imaxe, un obxecto…
Dar formato a un Gráfico ou obxecto creado.

Na opción de ferramentas do menú pódese:

Facer a revisión ortográfica do documento en Ortografía…
Seleccionar o Idioma que imos usar nunha parte ou en toda a folla de cálculo para facer posteriormente correccións ortográficas.
Investigar sobre os antecedentes do arquivo no que estamos a traballar, incluso borralos ou modificalos coa ferramenta Detective.Compartir o documento con outros usuarios na rede ou dentro dun mesmo ordenador. Deste xeito, outros usuarios do nos ordenador ou que estean na mesma rede, poden consultar o arquivo.
Fusionar o documento… con outro documento coa mesma estrutura ou estrutura similar e obteremos un novo documento cos datos de ambos.
Protexer o documento, sen clave ou mediante unha clave para evitar posteriores modificacións.
Elixir, recalcular de forma manual, calcular automaticamente ou realizar unha entrada automática para o Contido de cela.
Acceder a Galería de imaxes para inserir seleccionando e arrastrando: fondos, iconas, liñas, sons, viñetas…
Reprodutor multimedia, para a reprodución multimedia de arquivos xa creados.
Xestión de Macros creados con Calc.
Modificación das Opcións de autocorrección… xa predefinidas e adaptalas as nosas preferencias.
Personalizar…: menús, teclado, barra de ferramentas,…
Opcións… configuración dos datos de usuario, a forma de cargar e gardar arquivos, opcións de gráficas, configuración de internet…

Na opción de Datos do menú figuran diferentes operacións que podemos realizar cos datos:

Definir un intervalo… de celas de datos.
Seleccionar un intervalo… de celas de datos.
Ordenar… os datos de forma crecente ou de forma decrecente.
Aplicar diferentes Filtros os datos. Analizaremos este tema no módulo 6 deste curso.
Subtotais… dos grupos que creemos.
Validar… configurando determinadas celas para que tan só admitan determinado tipo de datos.
Táboa dinámica onde podemos crear táboas nas que podemos intercambiar as filas polas columnas.

En Menú > Xanela podemos modificar a zona de traballo segundo as nosas necesidades:

Duplicar o arquivo en dúas xanelas diferentes para traballar como se tiveramos dous arquivos duplicados, con Nova xanela. Calquera cambio que realicemos nunha das xanelas automaticamente aparece na outra tamén.
Con Pechar a xanela, podemos pechar a xanela que abrimos con nova xanela ou pechar o arquivo aberto.
Como veremos no módulo 6 podemos Dividir a xanela en dúas partes que podemos ver ou examinar de forma independente en columnas, en filas ou en catro anacos se facemos a división en filas e en columnas á vez.
Tamén como veremos no módulo 6 podemos Conxelar os datos antes dunha fila ou dunha columna de tal xeito que os datos contidos nas filas ou nas columnas anteriores quedan inmóbiles desprazándose o resto dos datos mediante as barras de desprazamento vertical ou horizontal.

Na pestana correspondente a Axuda podemos:

Consultar o manual de Axuda de OpenOffice.org, o que podemos acceder sempre coa tecla F1 do noso teclado. A busca da axuda pode ser por temas, por palabras, etc…
Se facemos clic en Que é isto? sobre o punteiro do rato aparece un signo de interrogación (?) e cando pasamos por riba dunha icona da barra de ferramentas ou cadro de diálogo aparece un breve comentario sobre a ferramenta seleccionada tal é como se ve na imaxe da dereita.
En Asistencia, podemos consultar calquera tema relacionado co manual do OpenOffice.org.
Premendo en Sobre OpenOffice.org, podemos obter toda a información relacionada co programa: versión, dereitos de autor, organización, membros da comunidade, etc...