OpenOffice 3
Como se reemprazan datos? 
Poñamos
por caso que introducimos un valor erróneo e precisamos cambiar
ese valor erróneo por outro. Pois ben, para facer isto imos
ó menú "Editar" e seleccionamos as opcións
"Localizar e substituír". En buscar, indicamos o valor
erróneo e en substituír sinalamos o novo valor.
Como se corrixe un documento?
No caso de que a folla de cálculo leve texto e queiramos
corrixilo, podemos facelo rapidamente desde o menú "Ferramentas"
/ "Verificación Ortográfica". Antes de comezar a
corrixir, debemos escoller o dicionario axeitado, a saber, Galego,
Castelán, Inglés, etc., para que se fagan ben as
correccións.
Como se fan anotacións?
Para
facer unha anotación nunha cela, procedemos da seguinte forma:
Ubicamos o cursor na cela na que desexamos facer a anotación;
seguidamente imos ó menú "Inserir" e escollemos a
opción "Nota". Agora non temos máis que escribir o texto
que queiramos que apareza na anotación. Cando desprazamos o
cursor para outra cela, a nota desaparece quedando na parte superior
dereita da cela un punto vermello que indica a presencia do comentario
inserido. Para ver o comentario non temos máis que
poñernos co rato sobre a cela, e automaticamente xa podemos ver
o texto que puxemos na anotación. Se queremos que as notas non
permanezan ocultas, seleccionamos a cela/s que ten a nota, prememos co
botón dereito do rato sobre ela e seleccionamos a opción
"Mostrar nota". Facemos o mesmo proceso si o que desexamos é
volver a ocultar a nota.