Formateando textos...

OpenOffice Impress permítenos cambiar o tipo de fonte, o tamaño e a cor dos textos. Isto podémolo facer desde a barra de menús seleccionando a opción "Formato".

Para cambiarlle o formato a un texto, temos que proceder da seguinte forma; primeiro escollemos o texto que queremos modificar; Seleccionamos as opcións "Formato" / "Carácter". Deste xeito abrirase esta ventá.

Na sección tipo de letra podemos escoller o tipo de letra, a tipografía (normal, cursiva, negra), o tamaño, os efectos do tipo de letra (subliñado, riscado, cor da fonte, etc.), a posición (normal, superíndice, subíndice).