OpenOffice 3
Módulo 3. Impress
8. Elementos Multimedia.
OpenOffice Impress tamén nos permite inserir elementos multimedia mentres deseñamos diapositivas.
Para inserir son ou vídeo nunha presentación, en primeiro lugar escollemos a presentación onde queremos inserir o elemento multimedia; a continuación desde o menú "Inserir" / "Vídeo e son"; despois, desde unha ventá, indicamos a ruta do ficheiro de audio ou de vídeo que queremos escoller e prememos na opción "Abrir".
Si o que queremos é inserir unha pista dun CD de audio debemos seguir o mesmo procedemento, convertendo previamente a pista a un formato soportado por Impress.
NOTA
Recomendamos:
1.- Reflexionar sobre a presentación que desexamos realizar, o tema, a quen vai dirixida, como e onde a imos expoñer, etc., realizando un boceto ou diagrama esquemático sinxelo da súa composición e contidos que nos axudarán a ter unha idea inicial do que temos que buscar e como o vamos a compoñer.
2.- Recopilar toda a información a usar: artigos sobre o tema, gráficos, sons, vídeos, etc.
3.- Crear un cartafol e gardar nel a presentación e os ficheiros multimedia que vas a usar na presentación para poder executala noutro ordenador sen romper as ligazóns.
4.- Realizar a presentación e unha vez rematada, reproducila, comprobando se todos os arquivos gráficos e multimedia se reproducen correctamente. Pensade que Impress non soporta todos os tipos de son e vídeo. Dependendo da importancia do traballo é recomendable, senón imprescindible, reproducir a presentación en diferentes computadoras, pensando na súa portabilidade.
Titoriais:
1.Como
se inseren elementos multimedia nunha diapositiva?.