Seleccionando obxectos...

Para seleccionar un obxecto ou elemento dunha diapositiva, non hai máis que facer clic sobre el co botón esquerdo do rato. Pola contra, para deixar de seleccionar un elemento, non hai máis que premer co botón esquerdo do rato fóra do marco. Para seleccionar máis dun elemento, debemos ter pulsada a tecla "Maiúsculas" a medida que prememos co botón esquerdo do rato. Para deixar de seleccionar un obxecto, temos que premer a tecla Ctrl a medida que escollemos o obxecto a quitar da selección.

Copiando obxectos...

Para copiar un obxecto dunha diapositiva temos que seguir os seguintes pasos:

• Primeiro seleccionamos o obxecto facendo clic sobre el. Seguidamente copiámolo ben despregando o menú Editar e escollendo a opción Copiar ou ben utilizando as teclas (Ctrl + C) - tamén se pode facer coa opción Copiar do menú contextual (facendo clic co botón dereito do rato), - ou ca icona da barra estándar. A continuación situámonos na posición da diapositiva onde queremos copiar o obxecto (cabe ter en conta que podemos copiar o obxecto na mesma diapositiva ou noutra); e por último pegamos o obxecto ben despregando o menú Editar/Colar, utilizando as teclas (Ctrl + V), facendo uso da opción "Colar" do menú contextual, ou empregando a icona da barra estándar. Agora podemos apreciar que na diapositiva aparecerá un novo obxecto, probablemente situado encima do obxecto que copiamos e que teremos que mover ata a nova posición.

Duplicando Obxectos...

Se o que queremos é copiar un obxecto na mesma diapositiva, podemos utilizar o método de "duplicar obxectos", que consiste en facer unha copia exacta do obxecto ou obxectos que temos seleccionado/s.

Para duplicar un obxecto primeiro hai que seleccionalo, seguidamente hai que escoller as opcións "Editar" / Duplicar". Para acadar o mesmo resultado tamén se poden utilizar as teclas "Maiúsculas + F3". Deste xeito aparecerá un cadro de diálogo como o que estamos a ver no que podemos indicar o número de copias que queremos, especificar a cor do obxecto, a localización e as dimensións.