Os paquetes de contido de eXe
eXe garda os datos en arquivos que teñen a extensión .elp (e-learning packages); xa que logo, este formato é propio e exclusivo de eXe e ten a característica especial de que comprime os datos ao gardalos (un paquete de eXe pode abrirse con programas como WinZip ou WinRar), o que permite elaborar arquivos moi extensos ou que inclúan ficheiros gráficos e multimedia.

Gardar un paquete

Para gardar un paquete, só temos que pinchar no menú Arquivo > Gardar. A primeira vez que gardamos un paquete temos que darlle un nome. Se xa lle tiñamos un nome e queremos gardar o proxecto cun nome diferente, usaremos a opción Arquivo > Gardar como.

Abrir un paquete

Para abrir un paquete de contido iremos ao menú Arquivo > Abrir e localizaremos e seleccionaremos o arquivo correspondente empregando a fiestra que aparece.

Tamén podemos proceder indo a Arquivo > Actualizar, se o arquivo que queremos abrir está entre os últimos cinco proxectos.