2. Instalación de eXeLearning

Aquí trataremos soamente da instalación de eXelearning en Windows, por ser o sistema operativo mais utilizado, e Ubuntu, por ser o sistema operativo escollido para o Proxecto Abalar na súa versión 10.04. Para outros sistemas operativos ou outras versións dos mesmos, remitímonos á páxina oficial do proxecto.
Windows:
Para instalar eXelearning no noso ordenador, iremos á web oficial do software: http://exelearning.org/ e buscaremos o apartado Download eXe, no que teremos que atopar o subapartado dedicado a Windows, concretamente o enlace Last Release Windows (installer).
Facendo clic sobre el conseguimos que se inicie descarga, por exemplo, ao noso escritorio.
Unha vez descargado o arquivo eXe-install-1.04.exe, faremos dobre clic sobre el co botón esquerdo do rato e seguiremos as instrucións de instalación que nos vai indicando; aceptamos o acordo de licenza, pinchando en "I Agree", e finalmente chegamos á pantalla que nos pide que indiquemos a ubicación da instalación. Eliximos o cartafol que nos dá por defecto, e facemos clic en "Install".
Ubuntu 10.04 ou posterior:
A versión estable que se pode descargar da páxina oficial de eXeLearning ofrécese para as seguintes versións:
  • Ubuntu Feisty (works with Ubuntu Feisty 7.04, Gutsy 7.10, and Hardy 8.04)
  • Ubuntu Dapper (eworks with Ubuntu Dapper 6.06 and Edgy 6.10)
A que lle corresponde á versión 10.04 de Ubuntu é a primeira, pero a súa instalación poder dar problemas coas dependencias.
Jim Tittsler recomenda instalar este paquete que se atopa en fase de proba:
Nós instalámolo sen ningún problema (con dobre click depois da descarga) e temos eXe 1.04.1 funcionando perfectamente en Ubuntu 10.04 e en versións posteriores.