Segundo a Orde de 8 de setembro de 2021, polo que se desenvolve o Decreto 229/2011, do 7 de decembro, polo que se regula a atención á diversidade, ao comezo de cada curso o profesorado elaborará un Plan de reforzo para o alumnado de ESO que pase de curso con materias sen superar (Art. 51. da Orde do 8 de setembro de 2021 e Art. 7. da Orde do 26 de maio de 2023), no que se indicarán os criterios de avaliación, metodoloxía, recursos, tarefas e seguimento e avaliación das materias pendentes.
O profesorado, coordinado pola xefatura do departamento didáctico, e conforme ao procedemento establecido polo centro, informará sobre os aspectos básicos dos plans de reforzo ao alumnado correspondente e entregaralle os materiais precisos. Asemade, as persoas titoras informarán ás familias dos seus titorandos/as a través de Abalar de que, se así o desexan e unha vez elaborado, poderán solicitar unha copia do plan de pendentes no centro.
