Organigrama

O Equipo Directivo é o órgano executivo de goberno do instituto e o responsable da organización, coordinación e funcionamento xeral do centro. A súa actuación oriéntase á consecución dos obxectivos educativos recollidos no Proxecto Educativo, garantindo o cumprimento da normativa vixente e favorecendo a participación de toda a comunidade educativa.

O Equipo Directivo está integrado por:

• Dirección.
• Vicedirección
• Xefatura de Estudos.
• Secretaría.
• Xefatura de Estudos de Adultos.

O Consello Escolar é o órgano colexiado de participación da comunidade educativa na vida e xestión do centro. A través del están representados os diferentes sectores que integran a comunidade escolar e participan nas decisións relacionadas coa organización, planificación e avaliación da actividade educativa.

O Consello Escolar está integrado por:

• A persoa titular da Dirección, que exerce a presidencia.
• A persoa titular da Xefatura de Estudos.
• Unha persoa representante do Concello.
• Sete representantes do profesorado elixidos polo Claustro.
• Tres representantes das nais e pais ou titores legais.
• Catro representantes do alumnado.
• Un representante do persoal de administración e servizos.
• A persoa titular da Secretaría, que actúa como secretaria do órgano con voz e sen voto.

O Claustro do Profesorado é o órgano propio de participación do profesorado no goberno do centro e o máximo órgano de coordinación docente. Ten a responsabilidade de planificar, coordinar, informar e, se é o caso, decidir sobre todos aqueles aspectos educativos e pedagóxicos do instituto.

O Claustro está integrado por todo o profesorado que presta servizos no centro. A presidencia corresponde á persoa titular da Dirección e a secretaría é desempeñada pola persoa titular da Secretaría do instituto.

A Comisión de Coordinación Pedagóxica é o órgano encargado de coordinar os aspectos académicos e pedagóxicos do centro. Entre as súas funcións destacan a coordinación dos departamentos didácticos, a elaboración e seguimento dos documentos curriculares e a promoción da coherencia das actuacións educativas desenvolvidas no instituto.

A Comisión de Coordinación Pedagóxica está integrada por:

• A persoa titular da Dirección, que exerce a presidencia.
• A persoa titular da Xefatura de Estudos.
• A persoa titular da Xefatura de Estudos de Adultos.
• As persoas responsables das xefaturas dos distintos departamentos didácticos.
• A persoa coordinadora do Equipo de dinamización da lingua galega.
• As persoas responsables do apoio ao alumnado con necesidades específicas de apoio educativo.
• A persoa coordinadora da Formación en Centros de Traballo (FCT).
• Actúa como secretario ou secretaria un dos seus membros, designado pola Dirección.