21 de Marzo é o día internacional da Poesía e este ano é tamén o 75 aniversario de Castelao, comemorado oficialmente polo goberno galego como Ano Castelao 2025.
Do EDL quixemos xuntar as dúas efemérides co poema Lela, un poema musicado da obra os vellos non deben de namorar de Castelao cantado pela famosa cantora portuguesa Dulce Pontes.
Están as nubes chorando
por un amor que morreu
Están as rúas molladas
de tanto como choveu
Lela, Lela,
Leliña por quen eu morro
quero mirarme
nas meniñas dos teus ollos
Non me deixes
e ten compaixón de min.
Sen ti non podo,
sen ti non podo vivir.
Dame alento das túas palabras,
dame celme do teu corazón,
dame lume das túas miradas,
dame vida co teu doce amor.
Lela, Lela....
Clica na imagem para ouvires o poema cantado
Clica na imagem para ouvires o poema cantado
Hoxe sexta-feira venres día 21 é o dia internacional da Lingua Materna, celebremos que temos Língua propia!
Podedes aproveitar para ouvir músicas en galego nesta lista con mais de 1500 cancións en galego
Podedes saber mais sobre este dia na web da UNESCO (e na parte inferior da web "O que a UNESCO fai polas línguas")
17 de Outubro dia internacional do patrimonio cultural imaterial
Ponte nas ondas celebra o dia internacional do patrimonio avisando das diferentes actividades en Compostela, Ourense e Valença. Podedes saber máis sobre as actividades de hoxe clicando aquí.
Tamén podedes visitar aqui as fotos do VII certame de fotografia en que colaborou o alumnado dos concellos de Laza, O Pereiro de Aguiar, Vigo, Ribeira, Santiago de Compostela, Foz, Ames, Cea, Marín, Noia, Salvaterra de Miño, Ponte Caldelas, Porto e Monção.
Ainda, podedes visitar tamén unha versión virtual do libro Memoria e patrimonio publicado por Ponte nas Ondas.
Para saber mais: pontenasondas.org
En novembro de 2023 a Conferencia Xeral da UNESCO proclamou o día 17 de outubro como o Día Internacional do Patrimonio Cultural Imaterial. De acordo coa Convención para a Salvaguarda do Patrimonio Cultural Imaterial, enténdese por «patrimonio cultural imaterial» as prácticas, representacións, expresións, coñecementos e aptitudes, ben como os instrumentos, obxectos, artefactos e espazos culturais que lles están asociados, que as comunidades, os grupos e, sendo o caso, os individuos recoñezan como formando parte integrante do seu patrimonio cultural. Ese patrimonio cultural imaterial, transmitido de xeración en xeración, é constantemente recriado polas comunidades e grupos en función do seu medio, da súa interacción coa natureza e da súa historia, incutindolles un sentimento de identidade e de continuidade, contribuíndo, dese modo, para a promoción do respecto pola diversidade cultural e pola creatividade humana (Artigo 2º). Saiba máis sobre a Convención do Patrimonio Cultural Imaterial en: https://ich.unesco.org/en/ e sobre o día 17 de outubro e as actividades desenvolvidas en torno a esta efeméride en: https://ich.unesco.org/en/international-day-intangible-cultural-heritage.
Xa a piques de rematar o curso queríamos compartir convosco este fermoso traballo que realizaron as/os estudantes do noso centro. Podedes ver o resultado no Flipbook que elaboramos e en breve estará tamén exposto fisicamente no propio centro.
Actividade que tamén podedes ver através do Equipo de dinamización linguística e do Padlet iguais na diversidade do Plan proxecta
Centóns para comemorar Luísa Villalta
O equipo de dinamización preparou unha actividade para as aulas de comunicación de elaboración de Centóns con textos de Luís Villalta, a autora homenaxeada neste 17 de Maio - Día das Letras Galegas.
Podedes ver o resultado no espazo de língua galega do edificiom ou clicando nesta imaxe aquí.
Para saberdes mais sobre a actividade didáctica a prof.Antia enviou unha presentación sobre o traballo desenvolvido que podedes acceder aquí.
O traballo tamén se encontra xa no Portal da Língua Galega do goberno galego aquí.
Esta actividade está dentro do Plan proxecta+ do noso centro e foi desenvolvida polo Equipo de dinamización linguística
Concurso aRi[t]mar 2024
de poesía e música galego-portuguesas
https://aritmar.gal/
Dia da poesia, 21 de marzo
podedes ler a transcrición dos poemas aqui:
https://centros.edu.xunta.gal/epaeduardopondal/aulavirtual/mod/book/tool/print/index.php?id=16690
Da EDL participamos tamén no plan proxecta coa campaña deste 8 de Marzo
Cartaces comemorando o Día Internacional da Muller.
O noso alumnado estivo traballando en diferentes cartaces para este día cos que participaremos no “VII Concurso de carteis 8 de marzo” organizado pola Secretaría Xeral de Igualdade e, a ver se con un pouco de sorte, podemos levarnos algún premio para casa.
Podedes ver parte dos cartaces clicando aqui
e tamén aqui: o alumnado de 2ºESA mañá traballou para destacar algunhas das grandes mulleres dos diferentes países de orixe do noso alumnado e fixeron unha exposición que se atopa nas escaleiras entre o 1º e 2º andar.
actividade inserida dentro do Plan proxecta
Desde hoxe xa podedes acceder á aula virtual da Equipa de Dinamización Linguística, clicando aquí: https://centros.edu.xunta.gal/epaeduardopondal/aulavirtual/course/view.php?id=302
21 de FEBREIRO - DIA DA LINGUA MATERNA
23 DE FEBREIRO - DIA DE ROSALIA DE CASTRO NA EDUCACIÓN
O 21 de febreiro célebrase o día da lingua materna e o 23 de febreiro o día de Rosalia de Castro, por iso, do Equipo de Dinamización Linguística do noso centro, queremos que toda a comunidade educativa participe na votación para escoller a mellor versión musicada moderna dun poema de Rosalía de Castro.
Para iso so tedes que entrar aquí (ou escanear o QR que hai nos cartaces colgados pola escola), escoitar as instrucións, e comezar a ouvir e desfrutar das diversas propostas musicais con poemas de Rosalia. Para votar tedes que dar entre 1-10 puntos a cada unha delas.
Que gañe a que alcance máis puntos!
PADLET DO 23 DE FEBREIRO - DIA DE ROSALIA DE CASTRO
22 Abril 2022 - Conferencia "Pescando Xenes"
O EDNL organizamos unha conferencia aberta ao público sobre xenética ao cargo do Catedrático Angel Carracedo. O evento está marcado para o día 22 de Abril ás 12:30 horas na sala 1.4.
O prestixioso investigador Ángel Carracedo dará unha conferencia destinada ao alumnado de Bacharelato. Na sua palestra intitulada "Pescando xenes" falará da súa traxectoria como científico no campo da xenética e tamén da evolución desta rama da ciencia focada en coñecer como funciona a vida, obter respostas para unha medicina máis eficaz, para a ciencia en xeral ou para a criminalística entre outros campos.
Ángel Carracedo é catedrático de Medicina Legal da USC e experto internacional en xenética. Membro da Real Academia Galega de Ciencias, dirixe a Fundación Pública Galega de Medicina Xenómica e o Centro Nacional de Xenotipado. Coordina o Grupo de Medicina Xenómica da USC e é xefe de grupo do CIBERER (Centro de Investigación Biomédica en Rede de Enfermidades Raras).Tamén é Coordinador da área de Xenética e Bioloxía de Sistemas do Instituto de Investigación Sanitaria de Santiago de Compostela (IDIS).
Polo seu labor investigador recibiu diferenets premios entre os cales: Premio Nacional de Xenética, Medalla de Galicia, Premio Rey Jaime I á Investigación Médica, Medalla Castelao, Medalla Adelaida e o Premio Fernández Latorre.
Esta conferencia estará aberta á asistencia de público interesado e alumnado doutros centros. Por razóns sanitarias é obrigatorio o uso de máscara no interior e para manter as medidas de prevención e distancia de seguranza o aforo será limitado. Para asegurar a posibilidade de asistencia é conveniente contactar previamente co centro no telefono 881960901
23 Febreiro 2022 - Día de Rosalía de Castro
A Asociación de Escritoras e Escritores en Lingua Galega (AELG) e a Asociación Cultural Alexandre Bóveda convidan a todas as persoas que queiran celebrar o 23 de febreiro, Día de Rosalía, no acto de lectura pública que se celebrará diante do Teatro Rosalía de Castro,
Mais información aquí: Dia de Rosalia 2022
ACTIVIDADES 2021
Revista Retallos
Reeditamos a Revista retallos que non se puido realizar o ano pasado por mor da pandemia e fixemos unha versión dixital coa intención de dixitalizar todos os anteriores . Podes ver os números xa dixitalizados da revista aquí
Maio, o mes da lingua
A exposición de Xela Arias xa se encontra nas paredes do centro, non deixedes de ler para ficar a saber máis desta escritora homenaxeada
Tamén podedes vela en versión dixital aquí.
Ou entrar na web organizada pola Real Academia Galega: Letras Galegas 2021
Estamos tamén a preparar o próximo número da revista do centro RETALLOS. Podedes participar entregando os vosos textos en vicedirección ou no departamento de galego, á profesora Rosa Teira.
Animámosvos tamén a participar no concurso online "aRi[t]mar Galiza e Portugal 2021", convocado pola EOI de Santiago de Compostela para difundir a música e a poesía da Galiza e Portugal. Para participar, debedes escoller e votar, até ao 10 de maio, os vosos poemas favoritos de entre os dez finalistas galegos e portugueses, a través da web: aRi[t]mar
Cartaces e exposicións 2021
Nas paredes do centro xa podedes ver a exposición de Carvalho Calero. Um autor imperdível da historia da nosa lingua e literaturas.
Aqui podes ver a expo en versión dixital
Carvalho Calero A voz presente
Especial de Nós Diario sobre Carvalho Calero
Expo da deputación da Coruña - Carvalho Calero
No 25 de Marzo de 2021 contribuímos à
Homenaxe a Carvalho Calero através da web do centro
HOXE dia 25 de marzo centros de ensino e asociacións culturais
lembran con diferentes actividades a Carvalho Calero.
- A partir das 20:00 horas a fundación Galiza Cultura disponibilizará en directo Vídeo e coloquio para a difusión da vida e obra de Ricardo Carvalho.(Intervencións de María Victoria Carballo-Calero Ramos, Manuel Castelao Mexuto e Mª Pilar García Negro).
- Na biblioteca do noso centro podes encontrar exemplares do libro comemorativo: Amigo Carvalho, do halley ao hubble, asi como a obra Scórpio e unha antoloxia dos seus principais poemas.
- Podes visualizar dúas exposicións e un especial do xornal Nós diario sobre este autor nas seguintes ligazóns. (Carvalho Calero A voz presente , Especial de Nós Diario sobre Carvalho Calero, Expo da deputación da Coruña - Carvalho Calero)
- Nesta ligazón poderás tamén visualizar a última entrevista que o autor concedeu e escoitar a súa propia voz.
Equipo de Normalización linguística
A súa a función segundo a lexislación vixente é potenciar o uso da lingua galega no Centro, mediante propostas de actividades e proxectos tendentes a lograr unha valoración positiva do uso da lingua propia e a mellorar a competencia lingüística dos membros da comunidade educativa. O equipo tamén debe tratar de potenciar a presenza da realidade galega, cultural, historia, xeografía, economía, etnografía, lingua, literatura, arte, folclore, etc. no ensino.
| Coordinadora: | Ana Garnelo Calvo |
Actividades a desenvolver
Sen prexuízo da posibilidade de sumar outras iniciativas ao longo do curso, estas son as actividades que se incluen na programación xeral para o presente curso afectado polas restricións sanitarias:
- Asistir dentro das posibilidades a recitais, charlas e conferencias sobre temas literarios.
- Elaborar traballos monográficos sobre temas relativos aos aspectos socio-culturais de Galiza.
- Organizar exposicións relacionadas coa cultura galega e con autores destacados.
- Commemorar con actividades variadas o Día das Letras Galegas.
- Ampliación do contacto do alumnado coa biblioteca do Centro e impulso e promoción do clube de leitura.
