Roberto Vidal Bolaño
Ceip de Pedrouzos - 2013
Roberto Vidal Bolaño naceu no barrio compostelán de Vistalegre un 31 de xullo do ano 1950.
Fillo de Carmen e de Roberto.
De pequeno gustáballe ir á coller froita nas hortas alleas, xogar ao fútbol, meterse nas liortas da rapazada de "dentro portas" e "fora portas" e coa chegada da televisón, descubriu as historias e os xogos de indios e vaqueiros, de romanos,...
Gustánbanlle os cans e na súa casa habíaos, xa que seu pai era cazador.
Como era alto, terminou xogando ao baloncesto no posto de pivot. Antes xogara de porteiro.
Empezou a traballar moi novo nunha tenda de recambios para coches.
Logo traballou nunha axencia de viaxes, máis adiante nunha tenda de electrodomésticos e xa máis tarde e durante anos, nun banco.
Mentras traballaba foi rematando os seus estudos de bacharelato elemental coa intención de ir a estudar cine a Madrid, cousa que finalmente non puido facer.
Finalmente adicouse plenamenta ao teatro.
Esta afección viña de lonxe, xa que de moi novo con 15 anos, fixera unha primeira obra teatral, "O Xogadeiro" que incluso chegou a representarse e da que non se conserva ningún exemplar ou copia.
Con 27 anos publicou a que podemos considerar a súa primeira obra coñecida: Laudamouco. 
No ano 1975 crea o grupo de teatro Antroido, iniciando os seus primeiros pasos cara a súa profesionalización teatral, como director e actor.
No ano 1976, publica "Landamouco, señor de ningures" pola que recibirá o premio Abrente.
Tamén no ano 76 casa coa actriz Laura Ponte.
Deixa de traballar no banco no ano 1977 e adícase plenamente ao teatro publicando varias obras teatrais.
No ano 1984 Roberto participa na creación do Centro Dramático Galega, e o que inicialmente podería supoñer un relación estreita entre dramaturgo e institución, significou un distanciamento teatral e un acercamento ao mundo audiovisual, máis por motivos polícos que por ganas do autor.
Distánciase do teatro institucional, segue escribindo e coa chegada, no ano 1985, da Televisón Galega empezan a tomar corpo os seus proxectos audiovisuais.
Roberto Vidal Bolaño participa como actor, doblador e director artístico da productora de televisón CTV-Galaxia.
Participa como actor e director de series na TVG baseadas en textos de Alvaro Cunqueiro, coma "Os outros feirantes", ou na primeira película en galego "Sempre Xonxa" (1989).
Separado de Laura Ponte, coñece a Cruz Comesaña que sería a súa parella ata a morte prematura desta actriz no ano 1989.
O sombreiro que sempre acompaña a Roberto e unha homenaxe e recordo de Cruz.
No ano 1992 funda con Belén Quintáns, que sería a súa muller e compañeira ata a súa morte, a compañía teatral Teatro do Aquí. Supón a súa reintegración plena ao campo teatral.
No ano 2002, a compañía de Teatro do Aquí estrea Animaliños, con texto e dirección de Roberto Vidal Bolaño.
É o seu último traballo dramático.
En setembro dese mesmo ano publícase o seu monólogo "Sen ir maís lonxe", para moitos, o seu "testamento dramático", monólogo por el mesmo representado no ano 1999 na sala Nasa en Santiago de Compostela.
Morreu un 11 de setembro do ano 2002 co só 52 anos, deixando tres fillos, Roi, Miguel e Carmen, quen estudou os últimos cursos da primaria no Ceip de Pedrouzos e a secundaria no Ies de Brión.
Os amigos, familiares e compañéiros velámolo aquel 11 de setembro de 2002 no Salón Teatro, fielmente acompañado polo seu chapeu e o seu nariz de pallaso. Ao outro día , deixámolo descansando para sempre en Boisaca. Orfos da súa compaña, pero enriquecidos coa súa inmensa capacidade creativa.(Antón Dobao).
____________________________________
OBRAS TEATRAIS
ESCRITAS DESTACADAS
Laudamouco, señor de ningures, 1976
Bailadela da morte ditosa, 1980
Agasallo de sombras, 1992
Cochos, 1992
Días sen gloria, 1992
Saxo tenor, 1993
Actas escuras, 1994
Touporroutou da lúa e do sol, 1996
Doentes, 1998
A ópera de a patacón, 1998
Rastros, 1998
O día que os chífanos deixaron de soar, 1999
Sen ir máis lonxe, 1999
Considerada por algúns como o seu "testamento dramático"
Criaturas, 2000
A burla do galo, 2000
Mar revolto, 2001
Animaliños, 2002
Integral, 2002
REPRESENTACIÓNS DESCATADAS
Roberto Vidal Bolaño tamén destacou como actor, director e escenógrafo.
Citamos algunhas representacións:
Laudamouco, Señor de Ningures, 1976
Bailadela da morte ditosa, 1980
A casa dos afogados
Rosalía, 1985
Capice des Dieux, 1985
Anxeliños, comedia satánica, 1996
Mar revolto, 2001
Participou como actor na longametraxe "Sempre Xonxa" ou en series de televisión coma "Mareas vivas".
Fixo traballos audiovisuais para a televisíon sobre obras de Álvaro Cunqueiro, Anxel Fole ou Blanco amor.
PREMIOS
E
RECOÑECEMENTOS
Abrente (1976), con Laudamuco Señor de ningures.
Abrente (1978) Mención Especial (Memorias de Mortos e Ausentes).
Abrente (1980), con Bailadela da Morte Ditosa
O Facho (1977). Mención honorífica con Xaxara, Paniogas, Tarelo, o Rapaz e o Cachamon ou Trocar en Rato Pequeno o Meirande Xigantón".
O Facho (1979) Mención honorífica con Ruada das Papas e do Unto.
Medalla de oro (Premio cidadE de Valladolid) (1983-1984) por unHa adaptación teatral de textos de Xosé Luís Méndez Ferrín.
Premio Rafael Dieste
Premio Álvaro Cunqueiro
Premio Xacobeo (1992)
Premio Eixo Atlántico
Premios Max de Teatro (2001) (mellor texto teatral en gallego)
.
Roberto Vidal Volaño
