As excepcións

Non se axustan ben á clasificación dos Cinco Reinos dos seres vivos:

Os lévedos, incluídos non fungos, pois son unicelulares.

Os liques, porque están formados for fungos e algas unidos tan intimamente que non son distinguibles ningún dos dous. Esta unión lles permite vivir en hábitats onde ningún deles podería vivir. O fungo lle proporciona á alga humidade e a alga ao fungo lle da materia orgánica. Son os primeiros colonizadores das rochas e, polo tanto, os primeiros formadores dos solos. Tamén son indicadores da contaminación do aire por xofre, por iso, a súa presenza indícanos ausencia deste elemento.

Os seres mixtos, con unións non tan íntimas como nos liques, caso dos pólipos coralinos (pólipos e algas), das leguminosas (planta e bacteria), das plantas con micorrizas (plantas con fungos) e o caso de Elysia viridis, molusco con algas no seu interior que o alimentan.

E os virus, seres acelulares pois carecen de membrana celular e de orgánulos e non poden realizar as funcións vitais se non están no interior dunha célula, comportándose como parásitos obrigados. Por iso non poden ser considerados células. 

Aínda con estas excepcións, a clasificación dos Cinco Reinos é a máis útil ata o momento. Hai clasificacións da biodiversidade máis exactas, pero son tan complexas que deixan de ser funcionais para a educación xeral, reducíndose o seu uso aos especialistas.